Banner

غزل/ عرفان الله څپاند

14.09.2009 07:49

ستا چې ښاپېرۍ له ياده وتى يم
بس د شاعرۍ له ياده وتى يم

زه چې وم مين، نو راسره به وه
اوس خو د شپېلۍ له ياده وتى يم

بيا په لار روان يمه ټکرې خورم
بيا چې دې جينۍ له ياده وتى يم

ډېره موده وروسته ورته راغلمه
اخ د لېونۍ له ياده وتى يم

زړونو کې د زړه په څېر به مېشت ومه
کړمه چې سلگۍ له ياده وتى ي

هر ځل د انکار مانا به دا شي چې
وبه وايې وۍ له ياده وتى يم

کال خو دادى وشو، خوله دې رانکړه
مړه شې د خولگۍ له ياده وتى يم

ستا څپاند به تاته دومره ووايم
ستا لکه چې هۍ له ياده وتى يم

١٣٨٨ _ ٦_ ٢٣ پېښور 

احمد اشاه عادل 22.04.2011 07:10

تېره ورځ یو دوست راته د څپاند د نیول کېدو خبر راکړ، په زړه مې درد شو، خو خیر دا به هم د الله تعالی پرېکړه وي چې د پښتو ادب د ګلبڼ دا نازولی بلبل یې هم د ملي امنیت د لنډغرو په لاس کې ورکړ. <br />عجیبه وخت راغی؛ نن یو غزلبول، یو بلبل، یو شاعر یو ادیب د یو څو اذار اخیستو، لوپرو او وحشیانو په لاسونو د «مجرم» په نامه نیول کېږي!! هغه به کومه شېبه وه چې څپاند ته د لنډغرو په لاسونو توره کڅوړه ور اغوستل کېده!<br />زه له ټولو شاعرانو او لیکوالو څخه هیله کوم چې د څپاند د خلاصي لپاره احتجاجي شعرونه او لیکنې وکړي.<br />ahmadshahadil@gmail.com

بخت وزیر 02.12.2010 12:48

کال خو دادى وشو، خوله دې رانکړه<br />مړه شې د خولگۍ له ياده وتى يم<br /> سلامونه ګرانه څپانده<br />په والله چی ډیر ښه دې ورته ویلی دی چی تا څوک له یاده وباسی نو همداسې شیان ورته لیکه <br />مننه <br />

abid 14.09.2009 18:11

څپانده وروره خيال کوه ډير ژور په کي تللې يي

حسیب الله شینواری 14.09.2009 11:05

سلامونه<br />یاره ډیر خوندور غزل دی، ماته خو یې ډیر خوند راکړ.<br />څپانده په قلم دې برکت <br />په مینه

ټولې تبصرې

ستاسو تبصره


لطفاً لاندې افغانستان په انګليسي تورو وليکئ.